مدونة ادبية: تجمع بعض قصائدي المتواضعة من الشعر الشعبي ؛ آمل أن تنال اعجابكم
القصيدة هي إيحاءات من الاعماق تتشكل في آفاق واسعة من الخيال.. فتصبح غذاء للروح" علي
الثلاثاء، 26 أكتوبر 2021
كسر النفوس
اول رساله في عيوني كبيره
افكها في شوق، واترك سواها
ياعل بشرى خير، وتكون خيره
واقول ياجي الخير فالي وراها
شوفك رضيته لو لمده قصيره
لوما تمل العين شوفك. كفاها
ادراك عن ريبة عيون,, حقيره
ولا احتمل نظرة تبين خفاها
لكن رحيل بلا موادع.. كبيره
في حق من روحه بيدك دواها
حتى الرسايل قلها من كثيره
صارت بلا معنى فقدنا حلاها..
لاخان. شوفك يالعيون الضريره
وش لزمته لاصار يشبه عماها
يانفس لوعشتي حياتك كسيره
كسر النفوس.. ولامهونة هواها
الأحد، 28 مارس 2021
الخوة
الله على الفطره خلقنا حمدناه
فيها العلوم الطيبات الجليله
الطيب راس الخيرباصله ومعناه
للي يسوي الخير ما يرتجيله
من سامنا بالطيب بالطيب سمناه
نوفي مع الوافي ونحفض جميله
والي شرانا طيب حنا شريناه
نعد مثله راس مال وحصيله
ذا ورثنا من عقب اهلنا ورثناه
وحق علينا ورث اهلنا نشيله
مني سلام الله بكامل تحاياه
للي رقى للشامخات الطويله
ابو فهد ياحي ذكره وطرياه
وياحي حرب وحي ذخر القبيله
الضيف لاجا بالتراحيب يلقاه
طلق المحيا ضيق صدرك يزيله
راعي دلال فوق ناره محاراه
صنعة يمين للمراجل طويله
يطرب لها راس هجوسه تبلاه
تذهب عماسه والهواجس قتيله
في مجلس للعز ساسه ومبناه
مافيه ماطى للنفوس..العليله
انشهد ان الي تعزوا بشرواه
هم النوايب والدهر مايشيله
كن الكرم مزروع في كف يمناه
وكن الوفى له ربع واهل وقبيله
لاصار فيه المدح ياضعف مبناه
عنده تعود كل جزله هزيله
يا خوة . . ترقا بها للمضاهاه
والا عساها للعدم والخذيله
الأربعاء، 21 أكتوبر 2020
السآري
الاثنين، 23 ديسمبر 2019
مازاد كثر النوم
وكثر السهر ماينقص بعمر راعيه
ما يسهر الا فاقد عز خلان
جرحه عميق ولالقى من يداويه
والا صويب سهام مدعوجة اعيان
كنه على جمر اللضى مادرت فيه
والا كريم غادر السوق خسران
هايم يدوج ومدفع الدين يرميه
يالايمي مادامني عنك في شان
عني تنحى خل عنك المشاريه
للجنة ابواب وللنار بيبان
وكل له اعماله تحدد مواطيه