نار ولهب

ملت ابيات القصيد وضجت احروف الكتابه

كل ما اكتب حرف حزني  في  ثناياه انكتب

الزمن  ما جا  معاي و كلها  ايامي  تشابه

يا عزيز النفس  وقتك  ضدك  اليوم انقلب

كن  ما ليًه  صديق  و لا رفيق و لا  قرابه

و الفرح  مره  بغى  يمي  و لا كـنه  كـذب

لوحضوض الناس مثلي كانت الدنيا خرابه

واحترق كل القصايد و اصبحت نار و لهب🔥

صورة يتيم

حلم ٍرجيته بـ المهد يرثيني       يوم احتفلت لزفته  باكفانه

قبل اكتبه في صفحة التكويني  وجه الامل  دونه  قفل بيبانه

كل انكسار بخاطره يضنيني  حطم زوايا خاطري واركانه

وشفت اليتيم ودمعته تكويني  تكتب على خد الزمن حرمانه

ضجت حروفي بالاسى تشكيني   جلدتها لين اصبحت وهنانه

علمتها تعزف على تلحيني    لين ادمنت فن الحزن والوانه

من كثر صكات الدهر يكفيني  انهكني الوقت الردي واعوانه

والكره في ذيك الوجيه يبيني   خلف اقنعتها ينجلي  برهانه

واعرض ولاكنه بشي يعنيني    والكره تضرم داخله نيرانه

ما للزمن قاضي منه يعطيني   حقٍ تصادرما خذيت اثمانه

اخاف لطمات الدهر ترميني   لاجيت  اكحلها وهي عميانه

وان شفت نظرات الرجا تثنيني اخزي اللعين وزمرته واخوانه

احيان احس الكون ما ياويني من ظيقةٍ في خاطري صلفانه

والصمت ساعة ظيقتي يدعيني وانا التجيله وارتمي باحضانه

واشوف اليتيم ودمعته تكويني   تكتب على خد الزمن حرمانه

ما باقي الا صورته في عيني    علقتها في زاوية خذلانه علقتها   في  زاوية  خذلانـه