موت الاماني

دوني   يا صفحة   الليل  الحزينه  ضيقتـي 

انسخي صورة جروحي واطبعيها في سواد

اذكري   موت  ا لاماني  من قرادة  خيبتي

واذكري اني في عزاها بـ البس ثياب الحداد

و اذكري    انه  ما بلاني غير كثرة طيبتي

واذكري الحلم الكفيف وليه حضي عنه حاد

و اذكري   كبر المصيبه كيف شلت قدرتي

واذكري جرح الخطا الي كل مابيطيب زاد

كم  عفينا  عن خطاهم  لين  ملت  رغبتي

وش  حداني  للجنون   الي يعيث بكل واد 

خبري  ليل الهوى الي كنت اضنه منوتي

ما لنا بـ الموعد ا لضايع   و عله ما يعاد 

بلـغي  جـن  الطموح انه مخالف شيمتي

دامته سيطرعلى تفكيرهم و اصبح جماد

عن  ديار  الذل  برحل  يم  عزة  ديرتي

كل  ديره تنكره في حكم  قانون  الفساد

كل من ياخذ نصيبه وانا راضي  بقسمتي

القـدر مكتوب   و الي كاتبـه رب  العباد

المتمرده

شقت ستارالليل صرخـة  وليـدة عليها من انوار الفضيلـة  قلايـد

تشبه زلال الما من الزيـن بيـدة تروي ضما كل العـروق النوايـد

البدر نوره مـن حلاهـا  تزيـدة مستعصية بخلاف ما كـان سايـد

ان كان قفّت فـي بهاهـا عميـدة وكان اقبلت تقدم صفوف العمايـد

وان وقفت مـا طاولتهـا  نديـدة تحرق كروت الشامخات  الندايـد

أدّق من حـد السيـوف الحديـدة فالحق ما ترضى بـدور المحايـد

جبار الارض تشب فيـه الوقيـدة واللي رضوبه للطواغيـت  قايـد

متمـردة تعلـب علـى ماتريـدة على هوى محبوبها ويـش رايـد

تطوي مدارات النجـوم  البعيـدة واتحطني فوق الطـوال  البعايـد

عنيد عاشق لـه خلـوجٍ  عنيـدة حضه رمابه فالصعـاب  العنايـد

ما مال مع هب الريـاح الشديـدة لا زال مثل الراسيـات  الشدايـد

ينقا مـن الـدر الفرايـد  فريـدة يشـر وتاجيـه الفرايـد  فرايـد

تعانق هموم اهل القلوب  النكيـدة فيها دوا للي بـه الجـرح  كايـد

وتنشر مفاهيم الصفـات الحميـدة واتنبه الي عـن طريقـه تحايـد

وتزع ورود المقبـلات  الجديـدة في روض خصبات السنين المجايد

وتنسج خيوط الصبح في يوم عيدة واتلبس الفرحـه ثيـاب  المعايـد

استرجاع السفير

شفت قفرات الديار مربعه والسيل سال
والخصيبه جف ماها عقب كانت مربعه

المعالم والشواهد واضحه مثل الهلال
والنوايا  مبهمات  محصنات  مقنعه

بايع التنباك محصوله يضن انه حلال

ما درى انه يضرم النار الوقيده باضلعه

من يستحي من بنت عمه ماتخلف له عيال
والذي   ما يستهم  الوقت  وقته   يخدعه

يوم دورت الموالي عند ميل الوقت مال
راغ عني مثل حصني شاف راعي وافزعه

رحت اصحي النايمين وأنهم في خس حال
ضاق صدري واستضاق فجوجها عقب السعه

جيت اقلبها يمين وجيت اقلبها شمال
وأنها  الثنتين   يادفع   البلا   متقطعه

انتهت  كل  العلوم  الي  موثقها  رجال
بانقض الميثاق الاول وان عصاني بقطعه

من يخليني قفا باصرف عنه وجه القبال

ومن حقرني باحقره واطلب من الله يقلعه

التمرد  باعلنه  وارسم   حدود   الانفصال
والجم ابواب السفاره والسفير  استرجعه

القناعه  كنز  فيها  عزة  نفوس  الرجال
والنفوس  أنواع  كلٍ  في  هواها  تتبعه

آهـ من حضٍ  بلاني  لايشيل  ولايشال
الوكاد  ان  القراده  أمه  إلى  ترضعه

كل  ما همٍ  تلاشى  قالي  همٍ   تعال
كم  تلوى  بي  همٍ  واحتواني  باذرعه

جيت بامشي من مكاني وان خطواتي ثقال
والفيافي  المقفره  مال القطيعه  مقطعه

مازرعته في سنيني ذاب في يبس الرمال

ولا جنى  الفلاح  فود  الا تعب  ما يزرعه

هوني  يانفس  روعك  دام  تاليها  زوال
كل  نفسٍ  زايله  والعبد  لـ الله  مرجعه

نار ولهب

ملت ابيات القصيد وضجت احروف الكتابه

كل ما اكتب حرف حزني  في  ثناياه انكتب

الزمن  ما جا  معاي و كلها  ايامي  تشابه

يا عزيز النفس  وقتك  ضدك  اليوم انقلب

كن  ما ليًه  صديق  و لا رفيق و لا  قرابه

و الفرح  مره  بغى  يمي  و لا كـنه  كـذب

لوحضوض الناس مثلي كانت الدنيا خرابه

واحترق كل القصايد و اصبحت نار و لهب🔥

صورة يتيم

حلم ٍرجيته بـ المهد يرثيني       يوم احتفلت لزفته  باكفانه

قبل اكتبه في صفحة التكويني  وجه الامل  دونه  قفل بيبانه

كل انكسار بخاطره يضنيني  حطم زوايا خاطري واركانه

وشفت اليتيم ودمعته تكويني  تكتب على خد الزمن حرمانه

ضجت حروفي بالاسى تشكيني   جلدتها لين اصبحت وهنانه

علمتها تعزف على تلحيني    لين ادمنت فن الحزن والوانه

من كثر صكات الدهر يكفيني  انهكني الوقت الردي واعوانه

والكره في ذيك الوجيه يبيني   خلف اقنعتها ينجلي  برهانه

واعرض ولاكنه بشي يعنيني    والكره تضرم داخله نيرانه

ما للزمن قاضي منه يعطيني   حقٍ تصادرما خذيت اثمانه

اخاف لطمات الدهر ترميني   لاجيت  اكحلها وهي عميانه

وان شفت نظرات الرجا تثنيني اخزي اللعين وزمرته واخوانه

احيان احس الكون ما ياويني من ظيقةٍ في خاطري صلفانه

والصمت ساعة ظيقتي يدعيني وانا التجيله وارتمي باحضانه

واشوف اليتيم ودمعته تكويني   تكتب على خد الزمن حرمانه

ما باقي الا صورته في عيني    علقتها في زاوية خذلانه علقتها   في  زاوية  خذلانـه