خل بالك ياقصيدي

خل بالك ياقصيدي

خـلْ  بـالـك  ياقصيـدي

كل  ما  مـزنك   تـهاما

نابـي   التـلّـعات    دمّـه
...خـلّ   نابيـها  يتـزاما 

يـوم   تطمـرها    تلاطم
...جـاذبـيّـه    و انـعـداما

...وان  تسّـنـدها   تهيّـف
...من  تنافـرها    تـطاما

كـل مـا  راجت   تراوج
خافقي   صابـه   فصاما 

يـا  هـلا بـك  يـا وليفي
عّـد  مـا  لـبّا   و صامـا

من  سموحروف شعري
عذبها    جاك   يتـواما

يا  دوا  كـل  المواجع
لـيّ ما غـيرك   مـراما 

اجعلي فـيّ  الـذوايـب
من حمم شوقك تـراما

غـيبينـي   فـي  غمامك
وآرفعك  فوق  الـغماما

و استبيحـي  كـل  مابي
لا غفـىَ  ليلـك   و نـاما 

كـّم تـضماك  المشاعـر
و افـتقـدك  الشوق ياما

خاطري لاضاق شـوقك
بـ القصايد لك   تـسامى

والله   اني  يَ  الكريمه
مَ  انحنى لي  قط  هاما


ينطح  الجوزا  شموخي
والتوي  الجدي احتشاما 

لا  تهمي  الوقت   دامة
ليّ   في   الدنيا   مقاما

كـلها   الدنيا   فـدا  لـك
و كل ما  جابت  حطاما

كسر النفوس

اول رساله في عيوني كبيره
افكها في شوق، واترك سواها

ياعل بشرى خير، وتكون خيره
واقول ياجي الخير فالي وراها

شوفك رضيته لو لمده قصيره
لوما تمل العين شوفك. كفاها

ادراك عن ريبة عيون,, حقيره
ولا احتمل نظرة تبين خفاها

لكن  رحيل بلا موادع.. كبيره
في حق من روحه بيدك دواها

حتى الرسايل قلها من كثيره
صارت بلا معنى فقدنا حلاها..

لاخان. شوفك يالعيون الضريره
وش لزمته لاصار يشبه عماها

يانفس لوعشتي حياتك كسيره
كسر النفوس.. ولامهونة هواها

الخوة

الله على الفطره خلقنا حمدناه
فيها  العلوم  الطيبات  الجليله

الطيب راس الخيرباصله ومعناه
للي  يسوي  الخير  ما يرتجيله

من سامنا بالطيب بالطيب سمناه
نوفي مع الوافي ونحفض جميله

والي شرانا  طيب  حنا شريناه
نعد  مثله  راس مال  وحصيله

ذا ورثنا  من عقب اهلنا ورثناه
وحق علينا  ورث  اهلنا  نشيله

مني  سلام الله  بكامل تحاياه
للي  رقى للشامخات  الطويله

ابو فهد  ياحي  ذكره  وطرياه
وياحي حرب وحي ذخر القبيله

الضيف لاجا  بالتراحيب يلقاه
طلق المحيا ضيق صدرك يزيله

راعي دلال فوق  ناره محاراه
صنعة  يمين  للمراجل طويله

يطرب لها راس هجوسه تبلاه
تذهب عماسه والهواجس قتيله

في مجلس للعز ساسه ومبناه
مافيه ماطى للنفوس..العليله

انشهد  ان الي تعزوا  بشرواه
هم  النوايب والدهر مايشيله

كن الكرم مزروع في كف يمناه
وكن الوفى له ربع واهل وقبيله

لاصار فيه المدح ياضعف مبناه
عنده  تعود  كل  جزله  هزيله

يا خوة . . ترقا بها  للمضاهاه
والا  عساها  للعدم  والخذيله