لآ وين يالساري دروبك طويله
ياكم تغنى للمساري مواويل
في خاطر العابر سوالف ثقيله
تروي حكاية غربته هدة الحيل
ليه الهوى يسرق من الفرح ليله
وليه انطفى من صفحة الليل قنديل
في ضحكة البردان صوره بديله
فيها انعكاس آلآم وآثار تنكيل
منها خذت وصفات جرحه وسيله
للهمس في عين المسافر تفاصيل
دام الأماني في عيونه قتيله
وصدر الهقاوي حطمت به تراتيل
اصبحت مابين الأمل والخذيله
ترقب خطاوي روحته والمقابيل
لو يطلق الساري مع الريح خيله
لاعود الساري ولا عود الخيل
ليست هناك تعليقات:
إرسال تعليق
فضلا أترك تعليقا فرأيك يهمنا..