ياحزينه"
يا حزينه وين ذاك النور وينه
خاطر المكلوم لا لا تكسرينه
كم شكى ليل المواجع من عذابه
كل مايغشى السهر هجر السكينه
الحزن ريحه تذاريها ذواري
وخافقي يهوى رياح معذبينه
لو ذبحتي عاشقك مره! عوافي
لكن انتي الف مره تذبحينه
ياحزينه"
حطمت كلمه امانينا و ماتت
واستفاق الحلم من غفوة سنينه
فرقتنا فالهوى كثر المواني
عقب كنا اثنين في نفس السفينه
عقب نورك غاب عني يا حزينه
غاب شوفي وانطفى نورالمدينه
اذكريني لا رخا ليلك ستاره
واذكريني لا غشى قلبك حنينه
وان ذكرتيني وجابك لي حنينك
الوفى باقي على ما تخبرينه"
وآآآهـ من ليل المواجع!!
ياحزينه