الله على الفطره خلقنا حمدناه
فيها العلوم الطيبات الجليله
الطيب راس الخيرباصله ومعناه
للي يسوي الخير ما يرتجيله
من سامنا بالطيب بالطيب سمناه
نوفي مع الوافي ونحفض جميله
والي شرانا طيب حنا شريناه
نعد مثله راس مال وحصيله
ذا ورثنا من عقب اهلنا ورثناه
وحق علينا ورث اهلنا نشيله
مني سلام الله بكامل تحاياه
للي رقى للشامخات الطويله
ابو فهد ياحي ذكره وطرياه
وياحي حرب وحي ذخر القبيله
الضيف لاجا بالتراحيب يلقاه
طلق المحيا ضيق صدرك يزيله
راعي دلال فوق ناره محاراه
صنعة يمين للمراجل طويله
يطرب لها راس هجوسه تبلاه
تذهب عماسه والهواجس قتيله
في مجلس للعز ساسه ومبناه
مافيه ماطى للنفوس..العليله
انشهد ان الي تعزوا بشرواه
هم النوايب والدهر مايشيله
كن الكرم مزروع في كف يمناه
وكن الوفى له ربع واهل وقبيله
لاصار فيه المدح ياضعف مبناه
عنده تعود كل جزله هزيله
يا خوة . . ترقا بها للمضاهاه
والا عساها للعدم والخذيله
ليست هناك تعليقات:
إرسال تعليق
فضلا أترك تعليقا فرأيك يهمنا..