شفت قفرات الديار مربعه والسيل سال
والخصيبه جف ماها عقب كانت مربعه
المعالم والشواهد واضحه مثل الهلال
والنوايا مبهمات محصنات مقنعه
بايع التنباك محصوله يضن انه حلال
ما درى انه يضرم النار الوقيده باضلعه
من يستحي من بنت عمه ماتخلف له عيال
والذي ما يستهم الوقت وقته يخدعه
يوم دورت الموالي عند ميل الوقت مال
راغ عني مثل حصني شاف راعي وافزعه
رحت اصحي النايمين وأنهم في خس حال
ضاق صدري واستضاق فجوجها عقب السعه
جيت اقلبها يمين وجيت اقلبها شمال
وأنها الثنتين يادفع البلا متقطعه
انتهت كل العلوم الي موثقها رجال
بانقض الميثاق الاول وان عصاني بقطعه
من يخليني قفا باصرف عنه وجه القبال
ومن حقرني باحقره واطلب من الله يقلعه
والجم ابواب السفاره والسفير استرجعه
القناعه كنز فيها عزة نفوس الرجال
والنفوس أنواع كلٍ في هواها تتبعه
آهـ من حضٍ بلاني لايشيل ولايشال
الوكاد ان القراده أمه إلى ترضعه
كل ما همٍ تلاشى قالي همٍ تعال
كم تلوى بي همٍ واحتواني باذرعه
جيت بامشي من مكاني وان خطواتي ثقال
والفيافي المقفره مال القطيعه مقطعه
والنفوس أنواع كلٍ في هواها تتبعه
آهـ من حضٍ بلاني لايشيل ولايشال
الوكاد ان القراده أمه إلى ترضعه
كل ما همٍ تلاشى قالي همٍ تعال
كم تلوى بي همٍ واحتواني باذرعه
جيت بامشي من مكاني وان خطواتي ثقال
والفيافي المقفره مال القطيعه مقطعه
مازرعته في سنيني ذاب في يبس الرمال
ولا جنى الفلاح فود الا تعب ما يزرعه
هوني يانفس روعك دام تاليها زوال
كل نفسٍ زايله والعبد لـ الله مرجعه
هوني يانفس روعك دام تاليها زوال
كل نفسٍ زايله والعبد لـ الله مرجعه
ليست هناك تعليقات:
إرسال تعليق
فضلا أترك تعليقا فرأيك يهمنا..