اول رساله في عيوني كبيره
افكها في شوق، واترك سواها
ياعل بشرى خير، وتكون خيره
واقول ياجي الخير فالي وراها
شوفك رضيته لو لمده قصيره
لوما تمل العين شوفك. كفاها
ادراك عن ريبة عيون,, حقيره
ولا احتمل نظرة تبين خفاها
لكن رحيل بلا موادع.. كبيره
في حق من روحه بيدك دواها
حتى الرسايل قلها من كثيره
صارت بلا معنى فقدنا حلاها..
لاخان. شوفك يالعيون الضريره
وش لزمته لاصار يشبه عماها
يانفس لوعشتي حياتك كسيره
كسر النفوس.. ولامهونة هواها
ليست هناك تعليقات:
إرسال تعليق
فضلا أترك تعليقا فرأيك يهمنا..